ZUMARRAGAKO UDALAK 'ZUEKIN AZOKA' BONOEN SEIGARREN EDIZIOA ABIARAZI DU

Gaur goizean, Rosa Maiza Ekonomia Sustapeneko, Toki Garapeneko eta Berrikuntzako zinegotziak 'Zuekin Azoka' bonu-kanpainaren seigarren edizioaren berri eman du. Ekimen honen helburua Zumarragako Azokan kontsumoa sustatzea da, tokiko merkatuaren jarduera ekonomikoa bultzatuz.

Kanpaina 2020an hasi zen pandemiaren ondorioz, Azoka indartzeko eta, salbuespenezko egoeraren aurrean, bertan erosketak sustatzeko neurri gisa. Lehen unetik, kanpainak oso harrera ona izan zuen herritarren aldetik, eta urtez urte bizilagunek zein azokako saltzaileek gogotsu itxarondako ekimen gisa finkatu da. Deialdi berri honetan, Zumarragako Udalak guztira 800 bonu jarriko ditu eskuragarri, hau da, 8.000 baina gehiagoko inbertsioa. Neurri horrekin, Udalak berretsi egiten du Zumarragako Azoka biziberritzeko konpromisoa eta Azokako merkatariei babesa.

Seigarren edizio hau martxan jarrita, Zumarragako Udalak 48.000 € bideratuko ditu guztira Zuekin Azoka Bonuen kanpainetara, 4.800 bonu jaulkita eta atxikitako postuetan gutxienez 100.000 €-ko gastua eraginda. Ekimen honek Udalak tokiko merkataritzaren dinamizazioarekin duen konpromisoa indartzen du.

Zuekin-Azoka Bonuek 20€ko balioa izango dute, baina 10€tan erosiko dira. 5 €-ko 4 tiketatan zatituta egongo dira, Azokan produktuak erosteko erabiltzea errazteko. Erosketa-tiketaren zenbatekoak Zuekin-Azoka Bonuaren zenbatekoaren berdina edo handiagoa izan beharko du, eta erosketa bakoitzean osorik agortuko da. Ez da dirurik itzuliko eskudirutan, ez erosketan, ez produktua gerora itzultzean.

Pertsona bakoitzak bono bat eskuratu ahal izango du, baldintza bakarra adinez nagusia izatea eta NAN edo AIZ aurkeztea izango da. Bonuak Piedad kaleko kioskoan erosi ahal izango dira datorren ostegunean (otsailak 13), ostiralean (otsailak 14) eta larunbatean 09:30etik 14:30era, izakinak agortu arte.

Bonuak erabiltzeko epea 2025eko otsailaren 15ean, larunbata, hasiko da eta 2025eko martxoaren 29ra arte luzatuko da. Bonuak programari atxikitako postuetan bakarrik erabili ahal izango dira, kartel batekin identifikatuta egongo direnak. Ezin izango dira erabili atxiki gabeko postuetan.

Ekintza hau Zumarragako Azoka eta, oro har, lehen sektorea dinamizatzeko eta balioesteko estrategia zabalago baten parte da. Helburua ez da Azokan salmentak sustatzea bakarrik, Azoka posible egiten duen guztiaren jarraipena bermatzea ere bada, bertako ekoizleak baitira euren produktuak zuzenean saltzen dituztenak. Eredu jasangarri honek, 0 kilometroko eta kalitate goreneko produktuetan oinarrituak, ekoizleen eta kontsumitzen dutenen arteko lotura indartzen du, Zumarragarentzat funtsezkoa den tradizioaren iraupena ziurtatuz.

Baina Azoka ez da erosteko eta saltzeko gune bat bakarrik, baizik eta elkargune bizi eta askotariko bat da, non herritarrak bildu, aitortu eta partekatu egiten diren. Betidanik, belaunaldiek, kulturek eta esperientziek bat egiten duten lekua izan da, Zumarragaren nortasunaren isla bilakatuz. Hemen bizilagunek komunitatea indartzen dute, herria eginez eta tokiko merkataritzarekin eta lehen sektorearekin lotura berezia sortuz.

Ildo horretan, Azoka funtsezkoa izan da 'Zumarraga Bide Bizia' marka turistikoaren sorreran. Marka hori protagonista da, eskaintzen dituen hiru ibilbideen abiapuntua eta helmuga baita. Horrez gain, armairu hoztuak jarri dira Azoka eta tokiko merkataritza herritarrei hurbiltzeko, 24/7 zerbitzu batekin, eta, gaur egun, 'Herrian erosi, Etxean jaso' etxez etxeko doako banaketa-kanpaina jarri da martxan. Ekimen horiek, bonoen kanpainarekin batera, Udalak tokiko merkataritzaren dinamizazioarekin eta herria egiteko eta komunitatea indartzeko ingurune bat eraikitzearekin duen konpromisoa indartzen dute.